នាថ្ងៃទី២៤ ខែឧសភា ឆ្នាំ ២០២៣ នៅសាលប្រជុំសាលាខេត្តបន្ទាយមានជ័យ ឯកឧត្តម អន ស៊ុំ លេខាធិការគណៈកម្មការទី៤ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម លោកជំទាវ តំណាងរាស្រ្តមណ្ឌលខេត្តបន្ទាយមានជ័យ បានអញ្ជើញចូលរួមអបអរសាទរពិធីសំណេះសំណាល និងបំពាក់គ្រឿងឥស្សរិយយសការពារជាតិជូនអតីតយុទ្ធជនកម្ពុជា ខេត្តបន្ទាយមានជ័យ ក្រោមអធិបតីភាពដ៏ខ្ពង់ខ្ពស់ ឯកឧត្ដមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ដោយមានការអមដំណើរពីគណៈអភិបាលខេត្ត ក្រុមប្រឹក្សាខេត្ត ប្រធានមន្ទីរនានាក្នុងខេត្ត មេបញ្ជាការកងកំលាំងទាំង៣ និងអតីតយុទ្ធជនកម្ពុជាក្រុងសិរីសោភ័ណ ចំនួន៨៨៣នាក់ ជាមួយនេះ ឯកឧត្ដមប្រធានគណៈអធិបតី បានឧបត្ថម្ភថវិកាម្នាក់ៗ ៥០.០០០រៀលផងដែរ។ សូមបញ្ជាក់ផងដែរ អតីតយុទ្ធជនកម្ពុជា ខេត្តបន្ទាយមានជ័យ សរុបមានចំនួន៥.៤៩៥នាក់ នឹងបានជួបសំណេះសំណាល និងផ្ដល់គ្រឿងឥស្សរិយយសរួចហើយគឺ ស្រុកថ្មពួក ចំនួន៥៣៨នាក់ នៅសល់ ៦ស្រុក និង១ក្រុងទៀត។
